Atletico Madridi frikësohet se Chelsea nuk do ta blejë Felixin

Gjiganti spanjoll, Atletico Madrid thuhet se është gjithnjë e më i shqetësuar se Chelsea nuk do të blejë Joao Felixin.

Sulmuesi portugez është i huazuar në klubin e Stamford Bridge që nga janari.

Ndërsa Felix ka shfaqur cilësitë e tij, ai ka dështuar të tregojë se di të shënojë gola dhe të jetë një lojtar vendimtar në shumicën e ndeshjeve në Ligën Premier.

Sipas Cadena Ser, skuadra e La Ligas tani është e shqetësuar se Felix do të kthehet me ta në fillimin e sezonit të ardhshëm.

Ai nuk ka marrëdhënie të mira me trajnerin e Atleticos, Diego Simeone.

Një transferim veror është rezultati më i mundshëm, por paraqitjet e Felix këtë sezon nënkuptojnë se lufta e ofertave që Atleti dëshiron nuk ka gjasa të ndodhë.

Chelsea mund të bëjë një marrëveshje, por vetëm për një tarifë shumë më të ulët se sa është diskutuar në media. /Telegrafi/

MARKETING