Alarme për bomba në disa shkolla në Shkup, policia në terren

Janë rikthyer alarmet për bomba në disa shkolla të mesme në Shkup. Gjatë ditës së sotme, janë pranuar njoftime për mjete shpërthyese të vendosura në shkollat “Dimitar Vlahov”, SHGJM “Vlado Tasevski” dhe SHGJM “Marija Curie – Sklodovska”.

Forcat kompetente kanë dalë menjëherë në terren, ndërsa nxënësit dhe stafi janë evakuuar në mënyrë të sigurt nga objektet shkollore. Deri më tani, nuk raportohet për persona të lënduar.

Procesi mësimor është pezulluar përkohësisht, ndërkohë që po kryhen kontrolle të detajuara sigurie në ambientet e shkollave.

Ministria e Punëve të Brendshme u bën thirrje qytetarëve të ruajnë qetësinë dhe të shmangin shpërndarjen e informacioneve të paverifikuara, duke theksuar se institucionet janë duke punuar intensivisht për zbardhjen e plotë të rastit.

MARKETING