Sekuestrohen 135 kilogramë duhan dhe 30 litra alkool pa akcizë

Doganat e Maqedonisë së Veriut kanë sekuestruar 135 kilogramë duhan të prerë dhe 30 litra alkool pa pulla akcizore, duke zbuluar shmangie të detyrimeve ndaj shtetit në vlerë prej 337.558 denarësh.

MARKETING

Zv.drejtori i Doganës, Mustafa Dauti, bëri të ditur se ndaj një personi do të ngrihet kallëzim penal, ndërsa ndaj dy të tjerëve janë ngritur kallëzime për kundërvajtje.

Aksioni është pjesë e kontrolleve të intensifikuara në tregun e brendshëm dhe në importet e mallrave, me qëllim parandalimin e tregtisë së paligjshme. Autoritetet theksojnë se kontrollet do të vazhdojnë për të mbrojtur interesin publik dhe për të garantuar konkurrencë të drejtë për tregtarët që veprojnë në përputhje me ligjin.

MARKETING