Kryediplomati gjerman viziton Ukrainën për bisedime mbi bashkëpunimin në mbrojtje dhe përgatitjet për dimër

Ministri gjerman i Punëve të Jashtme, Johann Wadephul, ka mbërritur në kryeqytetin ukrainas Kiev për bisedime mbi bashkëpunimin në fushën e mbrojtjes dhe përgatitjet për dimrin, transmeton Anadolu.

MARKETING

Në një njoftim të Ministrisë së Punëve të Jashtme të Gjermanisë thuhet se Wadephul udhëtoi në Ukrainë për të shënuar 35-vjetorin e pavarësisë së vendit, që festohet më 24 gusht.

Në deklaratë thuhet se një nga temat kryesore të vizitës janë përgatitjet për dimrin e ardhshëm, përfshirë sigurimin e gjeneratorëve dhe pajisjeve të tjera energjetike, si dhe mbështetjen e sektorit energjetik të Ukrainës dhe zbatimin e masave për mbrojtjen e infrastrukturës kritike.

Duke e përshkruar Ukrainën si një “partner të rëndësishëm të sigurisë”, në deklaratë thuhet se Gjermania mund të mësojë nga përvoja e Ukrainës në “përballjen me kërcënimet hibride, luftën moderne dhe qëndrueshmërinë e strukturave shtetërore dhe shoqërore”.

“Prandaj, vizita do të fokusohet po aq në thellimin e bashkëpunimit të sigurisë dhe mbrojtjes me Ukrainën, veçanërisht në forcimin e kapaciteteve ushtarake, shkëmbimin e përvojave dhe ndërtimin e përbashkët të strukturave afatgjata të sigurisë”, thuhet më tej.

MARKETING