AUV parandalon importin e rreth 50 tonëve ushqim të pasigurt në vend
MARKETING
Agjencia e Ushqimit dhe Veterinarisë ka parandaluar importin e rreth 50 tonëve ushqim të pasigurt në vend, pas kontrolleve të intensifikuara të kryera në pikat kufitare gjatë javës së kaluar.
MARKETING
Në pikën kufitare Qafë Thanë, veterinerët zyrtarë ndaluan importin e 27 tonëve mish të grirë me origjinë nga Paraguai.
Arsyeja është se mishi vinte nga një strukturë e pamiratuar nga AUV që do të thotë se nuk i plotëson standardet themelore të sigurisë dhe përbën rrezik për shëndetin e konsumatorit.
Përveç kësaj, inspektorët penguan edhe importin e 22 tonëve arra nga Kazakistani për shkak të etiketimit joadekuat dhe devijimeve nga kriteret e përcaktuara të cilësisë dhe sigurisë.
E gjithë ngarkesa është kthyer në vendin e origjinës dhe nuk lejohet të vendoset në tregun e Maqedonisë.
AUV informon se kontrollet do të vazhdojnë me një ritëm të intensifikuar, me qëllim parandalimin e importit të produkteve të pasigurta. Në të njëjtën kohë, ata u bëjnë apel importuesve që të zbatojnë në mënyrë strikte rregulloret ligjore, duke theksuar se mbrojtja e shëndetit të qytetarëve mbetet përparësia e tyre kryesore.
MARKETING
