Ori Nebijaj: Së shpejti dokumentari për jetën dhe veprën e Kim Mehmetit

Gazetarja Oriela Nebijaj, ka bërë të ditur se shumë shpejt do të publikohet dokumentari kushtuar jetës dhe veprës së shkrimtarit të njohur Kim Mehmeti.

MARKETING

Nebijaj tha se ndihet e nderuar që është pjesë e këtij projekti, i cili synon të sjellë në dritë figurën e shumëdimensionale të Mehmetit – si njeri, intelektual dhe krijues.

“Së shpejti do të dalë dokumentari për jetën dhe veprën e Kim Mehmetit. Ndihem e nderuar që jam pjesë e këtij projekti dhe që pata mundësinë të ndaj me studentët Euron Fetai, Vigan Sherifi dhe Ideal Nrecaj kujtimet dhe përjetimet e mia nga njohja me Kimin — si njeri, si intelektual dhe si shkrimtar,” – shkroi Nebijaj.

Ajo shtoi se qëllimi i këtij dokumentari është të sjellë një portret të thellë dhe autentik të Kim Mehmetit, duke ndriçuar trashëgiminë e tij letrare dhe shoqërore.

“Shpresoj që dokumentari të sjellë një portret të thellë dhe të mund të ndriçojë trashëgiminë e tij,” theksoi Nebijaj.

Dokumentari pritet të publikohet së shpejti dhe të zgjojë interesin e publikut për jetën dhe kontributin e një prej figurave më të respektuara të kulturës shqiptare.

MARKETING