Stuhi me erë të fuqishme në Shkup, disa zjarre dhe dëm material

Në Shkup pasdite ka fryrë erë e fuqishme, disa pjesë të qytetit janë pa energji elektrike, ndërsa sipas infromatave të Qendrës për menaxhim me kriza, ka dy zjarre të mëdha dhe atë në Karadakun e Shkupit mes fshtrave Creshevë dhe Bërnjarci dhe mes fshtrave Krushopek dhe Llokë, por edhe në vende tjera. Drejtori i QMK-së, Stojanço Angellov për MIA-n thotë se pret të ulet fuqia e erës për t’u dërguar aeroplane për shuarjen e këtyre zjarreve. Era e fuqishme shkaktoi edhe dëm material.

Sipas informatave të deritanishme, nga moti i keq nuk janë evidentuar persona të lënduar.

Ka çati të shembura nga ndërtesa në Çair, në Gjorçe Petrov, në bulevardin “Aradhat partizane” pranë pompës së benzinës Okta, si dhe pemë, degë pemësh dhe kontejnerë të rrëzuar.

Nga QMK informojnë se shërbimet kompetente me kujdes e ndjekin situatën dhe se janë në koordinim të vazhdueshëm me të gjitha shërbimet relevante në terren.

U bëhet thirrje qytetarëve të cilët kanë pësuar dëme materiale ose vërejnë rreziqe tjera, menjëherë të paeraqiten në numri për emergjenca 112.

MARKETING