Mbikëqyrje publike në Listën zgjedhore për Zgjedhjet lokale kanë bërë 1.714 qytetarë

Përfundimisht më 28 gusht, gjithsej 1.712 qytetarë kanë bërë mbikëqyrje të të dhënave të tyre personale në Listën zgjedhore për Zgjedhjet Lokale 2025. Prej tyre, vetëm një ka paraqitur kërkesë për ndryshimin e të dhënave personale në Listën zgjedhore dhe një person kërkoi fshirje, informuan nga Komisioni Shtetëror Zgjedhor për MIA-n.

“Deri më 28.08.2025, gjithsej 1712 qytetarë kanë kryer kontrolle të të dhënave të tyre në listën zgjedhore. Prej tyre, vetëm një ka dorëzuar kërkesë për regjistrim në listën zgjedhore, 19 persona kanë dorëzuar kërkesë për ndryshim të të dhënave personale në listën zgjedhore, dhe një qytetar ka kërkuar fshirjen nga lista”, thonë nga KSHZ.

Kontrolli i listës zgjedhore ka filluar më 23 gusht dhe do të zgjasë 20 ditë, përkatësisht deri më 11 shtator në mesnatë. Qytetarët për çdo plotësim, regjistrim apo ndryshim të të dhënave, mund ta dorëzojnë me shkrim në zyrat rajonale dhe në postën elektronike të KSHZ-së. Shqyrtimi i listës bëhet online përmes faqes së KSHZ-së, SEC.mk.

MARKETING