Mexhiti: Çairi do të bëhet qendër sportive e rajonit

Kandidati i koalicionit VLEN për komunën e Çairit, Izet Mexhiti, ka theksuar rëndësinë e zhvillimit të sportit si pjesë kyçe e identitetit dhe e ardhmes së komunës. Në një takim me sportistë dhe përfaqësues të klubeve lokale, Mexhiti prezantoi një sërë projektesh konkrete për përmirësimin e infrastrukturës sportive.

MARKETING

Sipas tij, Çairi ka një traditë të pasur sportive dhe ka prodhuar sportistë të suksesshëm në skenën kombëtare dhe ndërkombëtare. “Potenciali ekziston, por mbetet detyrë e komunës të krijojë kushte më të mira për zhvillimin e sportit dhe të rinjve tanë,” deklaroi ai.

Projektet kryesore të prezantuara përfshijnë:

• Ndërtimin e sallës multifunksionale “Çair” me 3,000 ulëse dhe standarde për gara ndërkombëtare.

• Rikonstruktimin e sallës “Partizani”, për ta kthyer në një qendër funksionale sportive.

• Ndërtimin e tre fushave multifunksionale në lagjet Tophanë e Vjetër, Sahat Kullë dhe Gazi Babë.

“Çairi do të marrë pamjen e plotë që e meriton: një qendër universitare, kulturore, arsimore dhe sportive,” theksoi Mexhiti, duke shtuar se këto investime janë pjesë e një vizioni më të gjerë për përmirësimin e cilësisë së jetës në komunë.

Ai përfundoi me mesazhin: “Ne nuk premtojmë. Ne realizojmë. Investojmë për fëmijët. Për klubet sportive. Për shkollat. Për çdo qytetar. Për Çairin.”

MARKETING