MotoGP/ Marc Marquez në historinë e Ducatit, fiton garën e Çekisë!

Marc Marquez i Ducati Lenovo Team fitoi Çmimin e Madh të Republikës Çeke në MotoGP këtë të diel, duke u bërë piloti i parë i Ducati që fiton pesë gara radhazi. Spanjollit iu desh të punonte shumë për ta arritur këtë në gjysmën e parë të garës.
Marco Bezzecchi (Aprilia Racing) bëri një garë të mirë për vendin e dytë, 1.7 sekonda pas fituesit, ndërsa Pedro Acosta (Red Bull KTM Factory Racing) ia doli mbanë të mposhtte Francesco Bagnaia (Ducati Lenovo Team) në një sulm të vonë për të siguruar ngjitjen e tij të parë në podium këtë sezon.

MARKETING

Këtë sezon në MotoGP janë zhvilluar 12 gara dhe Marc Marquez kryeson me 120 pikë para vëllait të tij Alex, duke shkuar i qetë në pushimet verore. Gjashtë herë kampioni i MotoGP-së ecën drejt titullit të tij të radhës.
MotoGP merr kështu pushimet dhe pas disa javësh rikthehet në pistën e Austrisë, për të vijuar më pas në Valencia./TAR

MARKETING