Tottenham fiton Ligën e Evropës, Manchester United e mbyll sezonin më të keq në histori
Tottenham Hotspur ka triumfuar në finalen e Ligës së Evropës, duke mposhtur Manchester United me rezultatin minimal 1-0 në ndeshjen e zhvilluar në stadiumin ‘San Mames’ të Bilbaos.
MARKETING
Goli i vetëm dhe vendimtar u shënua nga sulmuesi Brennan Johnson në minutën e 42-të, pas një aksioni të shpejtë dhe të mirëorganizuar nga londinezët.
Në pjesën e dytë, Manchester United u përpoq të rikthehej në lojë, por Tottenham mbajti organizimin dhe nuk lejoi hapësira në mbrojtje.
Fitorja i siguron Tottenham-it një trofe të rëndësishëm evropian, duke e kurorëzuar një sezon të suksesshëm për klubin londinez në arenën ndërkombëtare.
Ky sukses përbën një moment historik për Spurs, të cilët prej vitesh nuk kishin fituar një garë evropiane.
Nga ana tjetër, Manchester United e mbyll sezonin pa asnjë trofe, duke humbur edhe një tjetër mundësi për të shpëtuar një edicion zhgënjyes.
Përveç trofeut, Tottenham Hotspur siguron edhe pjesëmarrjen në Ligën e Kampionëve për sezonin e ardhshëm.
MARKETING
