Shtetasi hungarez ndalohet në Tabanoc, iu gjet drogë në automjet

Ministria e Punëve të Brendshme njofton se më 20 maj 2025, rreth orës 08:20, në Pikën e Kalimit Kufitar Tabanoc është arrestuar C.Z. (47) nga Hungaria.

Sipas njoftimit zyrtar, gjatë kontrollit kufitar dhe inspektimit të automjetit me targa hungareze që ai po drejtonte, oficerët e policisë zbuluan dhe konfiskuan një sasi të marihuanës të fshehur në tapicerinë mbi xhamin e përparmë të mjetit.

“Një ekip nga Sektori për Punë të Brendshme në Kumanovë kreu inspektimin në vendngjarje dhe droga u sekuestrua për procedura të mëtejshme,” bëjnë të ditur nga MPB.

Pas dokumentimit të plotë të rastit dhe në konsultim me prokurorin publik, ndaj personit do të ngrihen akuza përkatëse ligjore.

MARKETING