Ratifikohet Marrëveshja me BE-në për Instrumentin për reforma dhe rritje, nesër do të miratohen ndryshimet e ligjit për mbikëqyrje inspektoriale
Kuvendi sot e ka mbajtur seancën e 33-të, në të cilën në procedurë të mëtejshme është dhënë Propozim-plani për ndryshime dhe plotësime të Ligjit për mbikëqyrje inspektoriale me procedurë të shkurtuar, pika e vetme në rend të ditës. Deputetët gjithashtu në kuadër të seancës së 27-të e kanë ratifikuar Marrëveshjen për Instrumentin mes Bashkimit Evropian të përfaqësuar nga Komisioni dhe Republika e Maqedonisë së Veriut e prezantuar nga Qeveria e Maqedonisë së Veriut, për aranzhmane të veçanta për zbatimin e mbështetjes nga Unioni për Republikën e Maqedonisë së Veriut, në pajtim me Instrumentin për reforma dhe rritje.
Propozim-ligji për ndryshim dhe plotësim të Ligjit për mbikëqyrje inspektoriale, me procedurë të shkurtuar tani duhet të mbahet debat amendamenti i Komisionit për sistem politik dhe të shqyrtohet në Komisionin juridiko-ligjdhënës. Sipas informacioneve nga Kuvendi, pritet që ligji të miratohet gjatë ditës së nesërme.
Propozues të ndryshimeve dhe plotësimeve të Ligjit për mbikëqyrje inspektoriale, me procedurë të shkurtuar janë disa deputetët të shumicës qeveritare. Deputeti Bojan Stojanovski elaboroi se me ndryshimet, inspektoratët hyjnë në përbërje të ministrive dhe tashmë nuk do të jenë person i veçantë juridik.
“Në këtë mënyrë do të mund të paguhet rregullisht paga dhe do të mundet të gjitha detyrimet, të cilat paraprakisht i kanë pasur, t’i kenë në përbërje të ministrive. Në mënyrë plotësuese, me këtë ligj definohen edhe disa detyrime nga kjo prezantim i raporteve gjashtëmujore dhe vjetore edhe atë kush është përgjegjsë për detyrime të caktuara, nëse ministri, drejtorët, por edhe përforcohen kushtet për të gjithë ata që pretendojnë të jenë në krye të këtyre inspektoratëve”, tha deputeti i VMRO-së.
Stojanovski tha se për momentin në ENER është vendosur ligj i ri për mbikëqyrje inspektoriale me qëllim që në mënyrë plotësuese t’u jepet pavarësi dhe të lirohen nga kufizimet politike. Sipas tij, për ligjin do të organizohen debate publike dhe konsultime me të gjitha palët e prekura.
Koordinatori i Grupit parlamentar të LSDM-së, Oliver Spasovski, kritikoi se para fundit të dhjetorit është mbajtur seanca në të cilën në rend dite janë amendamentet e të njëjtit ligj, duke theksuar se çdo seancë kushton 30.000 euro, si dhe se shumicës qeverisëse i është thënë se ai Ligji ka mangësi. Inspektoratet nuk janë vendosur në kuadër të ministrive, inspektorët nuk marrin rrogë dhe inspektoratet nuk mund të funksionojnë. Spasovski, si shembull, theksoi se inspektorati i tregut tani vetëm mund t’i paralajmërojë tregtarët, por nuk mund t’i ndëshkojë. Sipas tij, këto ndryshime kanë edhe mospërputhje.
Deputetët e vazhduan punën duke miratuar Projektligjin për ratifikimin e Marrëveshjes për Instrumentin ndërmjet Bashkimit Evropian, të përfaqësuar nga Komisioni dhe Republika e Maqedonisë së Veriut e përfaqësuar nga Qeveria e Maqedonisë së Veriut, për Marrëveshjet specifike për zbatimin e mbështetjes së Unionit për Republikën e Maqedonisë së Veriut, në përputhje me Instrumentin për reforma dhe rritjes, pika e vetme e pazgjidhur në seancën e 27-të plenare.
Vlera e përgjithshme e mbështetjes së BE-së për Ballkanin Perëndimor në kuadër të Instrumentit financiar për reforma dhe rritjen arrin në gjashtë miliardë euro. Në përputhje me metodologjinë e paraparë të BE-së, Republikës së Maqedonisë së Veriut do t’i vihen në dispozicion 750,4 milionë euro për periudhën 2024-2027, të ndara në këste, ndërsa kësti i parë prej 51,5 milionë pritet të merret në fund të këtij viti . Kushtet e përgjithshme për disbursimin e fondeve kanë të bëjnë me zbatimin e reformave themelore, sundimin e ligjit, respektimin e të drejtave dhe lirive themelore të njeriut, ndërsa kushtet e veçanta janë formuluar në kuadër të Axhendës reformuese.
MARKETING
