(VIDEO) Hulumtim – Për këngëtarët dhe artistët, komunat shpenzojnë një milion euro në vit

Një hulumtim i fundit i Qendrës për Komunike Civile tregon se vetëm nga janari deri në tetor të këtij viti, komunat kanë shpenzuar 961 mijë euro për këngëtarë dhe artistë të tjerë. Deri në fund të vitit 2024, shuma pritet të kalojë një milion euro. Siç sqarojnë nga atje, vitin e kaluar për këtë qëllim janë shpenzuar 1 milion e 11 mijë euro. Më e shtrenjta këtë vit është Severina, për të cilën Komuna e Kriva Pallankës ka paguar 25 mijë euro, ndërsa më së shumti para këtë vit , gjithsej 42 mijë euro, për dy shfaqje, në Berovë dhe në Shtip, ka marrë Jelena Rozga.

Komunat që shpenzojnë më së shumti për aktivitete argëtuese janë Strumica GATI 190 mijë euro, më pas Kavadari 156 mijë euro, Shtipi 86 mijë euro, Kisella Voda dhe Velesi 48 mijë euro, kurse Kumanova ka harxhuar 45 mijë euro. Komunat i prokurojnë këto shërbime përmes procedurave më pak transparente ose gjejnë mënyra për të shmangur zbatimin e Ligjit të Prokurimit Publik. 50 komuna kanë pasur shpenzime të tilla. Nga të tjerët, 29 nuk kanë, dhe dy nuk kanë dorëzuar të dhëna.

QENDRA PËR KOMUNIKE CIVILE

“Ngjarjet argëtuese që komunat organizojnë në raste të ndryshme, si festimi i festave të caktuara -Viti i Ri apo diçka specifike për atë komunë si ushqim, pije, traditë etj., i kushtojnë qytetarëve më shumë se 1 milion euro çdo vit. Për më tepër, këto janë para që komunat paguajnë nga buxhetet e tyre dhe në këtë shumë nuk përfshihen paratë e paguara për këtë qëllim përmes donacioneve, më së shpeshti nga kompanitë dhe individët”.

Ky hulumtim gjithashtu tregonë se disa komuna fshehin se sa paguajnë kontraktorët individualë, pasi kur bëhet fjalë për ngjarje apo manifestim individual, jo të gjitha komunat thonë se sa para, individualisht, u kushton një ngjarje apo manifestim.

QENDRA PËR KOMUNIKE CIVILE

“Komunat e zbatojnë prokurimin e këtyre shërbimeve në mënyra të ndryshme, por kryesisht gjejnë mënyra për të mos zbatuar plotësisht Ligjin për Prokurim Publik dhe disa nga procedurat transparente. Blerjet e të ashtuquajturve shërbimet speciale, të cilat përfshijnë manifestime të tilla, përjashtohen nga Ligji për Prokurim Publik nëse vlera e tyre është deri në 10.000 euro”.

Hulumtimi është realizuar sipas të dhënave të marra nga komunat në bazë të kërkesave për qasje të lirë në informata publike.

Samir Mustafa /SHENJA/

MARKETING