Meidani takim pune me liderët e VLEN, Mexhiti thotë se ai përfaqëson shtetin shqiptar me dinjitet

Ambasadori shqiptar në Shkup, Denion Meidani gjatë ditës së sotme ka mbajtur një takim pune me udhëheqësit e koalicionit VLEN, të cilët janë pjesë e qeverisë – mes tjerash për t’u konsultuar rreth situatës aktuale politike.

Ndërkohë, me këtë rast udhëheqësit e VLEN-it e kanë përgëzuar Ambasadorin Meidani, për arritjet historike të Shqipërisë – për sa i pëket hapjes formalte të kapitullit të parë të negociatave me Bashkimin Evropian.

“Sot kafen e mëngjesit e pimë me ambasadorin e Shqipërisë, Denion Meidani i cili po përfaqëson shtetin e tij me dinjitet në këto momente tepër të rëndësishme për shtetin shqiptar.
Ambasadorin e përgëzuam për arritjen historike të Shqipërisë, rreth hapjes së kapitullit të parë të negociatave me Bashkimin Evropian”, – ka shkruar pas këtij takimi zëvendës kryeministri i parë, Izet Mexhiti.