Klinika Universitare për Sëmundje të Fëmijëve: Janë marrë të gjitha masat në lidhje me rastin e foshnjes

Klinika Univerzitare për Sëmundje të Fëmijëve ka njoftuar se ka marrë të gjitha masat në përputhje me normat ligjore, lidhur me rastin e paraqitur nga prindërit e foshnjës 4 muajshe të cilët pohojnë se një motër medicinale i ka shkaktuar lëndim trupor foshnjës së vogël.

Nga kjo klinikë gjithashtu bëjnë të ditur se është filluar procedura për formimin e një komisioni i cili do ta shqyrtoj rastin deri në fund dhe do të sjell konkluzione në përputhje me normat ligjore dhe etike.

Ja komunikata e plotë e Klinikës Univerzitare për Sëmundje të Fmmijëve:

Të nderuar qytetarë,

Ju informojmë se ndërmorrëm të gjitha masat në përputhje me normat ligjore, lidhur me rastin e paraqitur nga prindërit e foshnjës 4 muajshe të cilët pohojnë se një motër medicinale i ka shkaktuar lëndim trupor foshnjës së vogël.

Ministri i shëndetësisë Dr. Arben Taravari i shoqëruar nga drejtori i Klinikës për sëmundje të fëmijëve Dr. Rexhep Memedi mbrëm ishin në vizitë te shtëpija e foshnjës, ku nga afër u njoftuan me rastin në fjalë. Prindërit e foshnjës, edhe pse kanë ngelur shumë të kënaqur nga trajtimi dhe kujdesi mjekësor ndaj foshnjës nga personeli mjekësor në reapartin ku ka qëndruar – pas së cilit foshnja është në gjendje shëndetsorë të përmirësuar, përsëri shprehen se sjellja joprofesionale e njërës prej motrave medicinale ju ka shkaktuar shqetsim të madh.

Në Klinikën Universitare për sëmundje të fëmijëve- Shkup menjëherë është filluar procedura për formimin e një komisioni i cili do ta shqyrtoj rastin deri në fund dhe do të sjell konkluzione në përputhje me normat ligjore dhe etike.

Klinika Univerzitare për sëmundje të fëmijëve- Shkup, duke siguruar kujdes profesional mjekësor, mbetet apsolutisht e përkushtuar të kujdeset për shëndetin e të gjithë fëmijëve- më të dashurit tonë, dhe nuk do të lejoj që, sjellja joprofesionale dhe joetike e kujdoqoftë, të dëmtoj imazhin e institucionit.

MARKETING