Spektakël me shtatë gola të shënuar, Barcelona fiton me përmbysje në udhëtim te Villarreali

Spektakël me shtatë gola të shënuar, Barcelona fiton me përmbysje në udhëtim te Villarreali

Barcelona ka fituar një ndeshje spektakolare në udhëtim te Villarreali me rezultat 3-4.

Ka qenë një duel i jashtëzakonshëm mes dy skuadrave, ku filloi shumëmë mirë për mysafirët që realizuan dy gola të shpejtë brenda tre minutave.

Gavi hapi serinë e golave në minutën e 12-të pas një asistimi nga Yamal, derisa tre minuta më vonë Frenkie de Jong realizoi për 0-2.

Vendasit u rikthyen në lojë gjatë pjesës së parë, kur Foyth fillimisht realizoi në minutën e 26-të për 1-2.

Sulmuesi norvegjez Sorloth u gjend bukur pas asistimit nga Pedraza dhe realizoi për 2-2 pesë minuta para fundit të pjesës së parë.
Pjesa e dytë nisi më mirë për vendasit të cilët vetëm pas pesë minutave Baena realizoi për epërsinë e parë të vendasve 3-2.

Megjithatë katalunasit nuk u dorëzuan dhe në minutën e 68-të ishte Ferran Torres që realizoi pas dy tentimeve të njëpasnjëshme për 3-3.

Tre minuta më vonë në skenë doli Robert Lewandowski ku pas një gjuajtje të fortë të Yamal topi goditi shtyllën dhe nga kthimi i tij Lewa shënoi për 3-4.

Deri në fund Barcelona u mbrojt mirë dhe mori një fitore të madhe në një terren të vështirë si ai i Estadio de la Ceramica.

MARKETING