Pulisiq, lojtar i ri i Milanit

Christian Pulisiq e ka kompletuar transferimin te skuadra e Milanit për 22 milionë euro, nga skuadra e Chelseat të Premier Leagues angleze.

Pulisiq testet mjekësore i kreu të mërkurën, ndërsa të enjten është bërë zyrtarizimi nga skuadra e elitës italiane të futbollit.

Reprezentuesi i Shteteve të Bashkuara të Amerikës ka nënshkruar kontratë katërvjeçare, dhe do të jetë pjesë e skuadrës deri në verën e vitit 2027.

Në marrëveshje është edhe vazhdimi i kontratës edhe për një vit tjetër.

Te Milani nga Chelsea u transferua në fillim të këtij muaji edhe Ruben Loftus-Cheek.

Pulisiq ka zhvilluar 146 ndeshje për Chelsean në të gjitha garat, ndërsa pati 26 gola të shënuar.

MARKETING