Zelensky: Nuk do të ketë Luftë të Tretë Botërore, nuk është trilogji

Presidenti ukrainas Volodymyr Zelensky ka dërguar sërish një mesazh përmes një video-transmetimi, ku falënderoi aleatët e Kievit qw ai i quan nga “bota e lirë”.

Aktori amerikan Sean Penn ishte takuar me aktorin ukrainas të komedisë që tani është bërë politikan, dhe është në krye të Ukrainës, transmeton Telegrafi.

Penn ia kishte dhuruar Zelenskyt në Kiev Oskarin që e kishte fituar, duke kërkuar nga presidenti që t’ia kthej kur të përfundojë lufta.

E Zerlensky ka thënë se “lufta në Ukrainë akoma nuk ka përfunduar, por se ka ndryshuar loja e dhe tashmë është e qartë se kush do të fitojë”.

“Para nesh kemi beteja dhe lot. Por tani mund t’ju them se kush ka qenë më i mirë në vitin e kaluar – ju në botën e lirë, që jeni të bashkuar rreth mbështetjes së popullit të lirë ukrainas”, shtoi Zelensky.

Ai më pas rikujtoi momentin kur ndarja e çmimit Oskar filloi të ndahet në fillim të viteve të 40-ta, para përfundimit të Luftës së Dytë Botërore.

“Nuk do të ketë Luftë të Tretë Botërore. Nuk është trilogji”, shtoi presidenti ukrainas, raporton CNN. /Telegrafi/

MARKETING