Zejdi: Nuk mbulohet dielli me shoshë – 29.52% është meritë e jona!
Kryetari i Lëvizjes Populli, Skender Rexhepi – Zejd, ka reaguar ashpër ndaj, siç e cilëson ai, përjashtimit sistematik të diasporës shqiptare nga institucionet dhe proceset vendimmarrëse nga ana e qeverisë aktuale VMRO-VLEN.
Në një deklaratë publike, Rexhepi tha se diaspora shqiptare nuk është fshirë nga qeveria e kaluar (LSDM-BDI), por ishte përfshirë në regjistrim përmes një formule të ndryshme teknike. Sipas tij, ishte qeveria aktuale ajo që “e largoi diasporën nga buxheti për vendlindjet, e përjashtoi nga punësimet publike dhe e zhduku nga përfaqësimi në këshillat komunalë”.
Më poshtë shkrimi i plotë i Rexhepi – Zejd:
NUK MBULOHET DIELLI ME SHOSHË – 29.52% ËSHTË MERITË E JONA!
Diasporën shqiptare nuk e fshiu Qeveria e kaluar (LSDM-BDI), ajo e përfshiu në regjistrim, por vetëm e formatizoi ndryshe.
Diasporën shqiptare e fshiu brutalisht kjo qeveri aktuale antishqiptare (VMRO-VLEN):
– e larguan nga buxheti i vendlindjeve të tyre,
– e përjashtuan nga punësimet publike,
– e zhdukën nga përfaqësimi në këshillat komunalë.
Thjesht: kjo qeveri e përjashtoi diasporën shqiptare nga çdo segment institucional dhe shoqëror.
Dhe pikërisht përfaqësuesit e VLEN-it, ishin ata që në asnjë moment nuk e ngritën zërin për të kundërshtuar këtë qasje diskriminuese ndaj mërgatës shqiptare, me asnjë deklaratë qoftë në seancë qeveritare qoftë në rrjetet sociale.
VLEN-i heshti dhe bashkëfajësohet në këtë fshirje të qëllimshme dhe sistematike të mërgatës shqiptare.
Por kur Qeveria VMRO-VLEN ishte gati të fshinte edhe gjurmën e fundit institucionale të diasporës shqiptare, ishim NE – ata që nuk heshtëm ndaj këtij nënshtrimi të turpshëm – ndërhymë me iniciativën tonë në Gjykatën Kushtetuese, dhe si rezultat u hoq klasifikimi “jo-rezident”, dhe falë kësaj iniciative sot shqiptarët llogariten sa ishin regjistruar: 29.52%.
Si pasojë e këtij suksesi, sot, pranojmë me krenari falënderimet që na vijnë nga shoqata të diasporës dhe bashkëatdhetarë të shumtë nga mërgata – sepse ata e dinë se kush qëndroi në mbrojtje të dinjitetit dhe ekzistencës së tyre politike.
MARKETING
