(VIDEO) Takimi vjetor i AP-së së NATOS-s, Mickoski kërkon mekanizma kundër mosmarrëveshjeve bilaterale

“Të vendosen mekanizma që nuk do të lejojnë që mosmarrëveshjet bilaterale të bëhen pengesë për realizimin e qëllimit kolektiv dhe të përbashkët”. Këtë kërkesë e bëri kryeministri Hristijan Mickoski, në hapjen e takimit të rregullt vjetor të Komitetit të Përhershëm të Asamblesë Parlamentare të NATO-s, i cili këtë vit po mbahet në Kuvendin e RMV-së, pikërisht në 5 vjetorin e antarësimit të vendit tonë në NATO.

Kryeministri u ndal edhe te tragjedia e cila e goditi vendit javë më parë në Koçan, në të cilën humbën jetën 60 persona dhe rreh 200 të tjerë u lënduan. Kjo fatkeqësi tha ai, jo vetëm që na tregoi se sa e brishtë është jeta, por theksoi edhe rëndësinë e solidaritetit dhe mbështetjes së ndërsjellë, duke përmendur këtu solidaritetin që treguan vendet aleate dhe partnere të RMV-së.

Hristijan Mickoski, kryeministër

“Nëntë shtete evropiane i ofruan ndihmë vendit tone menjëhherë pas tragjedisë në Koçan. Bashkimi Evropian, përmes Mekanizmit për Mbrojtje Civile, koordinoi evakuimin mjekësor të të lënduarve në spitalet e specializuara në rajon. Kjo tragjedi na kujtoi se solidariteti nuk është vetëm një fjalë, por një vepër që i bashkon popujt”.

Ai gjithashtu përmendi se gjatë pesë viteve të fundit nga anëtarësimi jonë në NATO, vendi kontribuonë në mënyrë aktive për sigurinë dhe stabilitetin kolektiv të Aleancës.

Ministri i Mbrojtjes Vllado Misajlovski në fjalimin e tij tha se takimi i Komitetit të përhershëm, i cili organizohet për herë të parë në Maqedoni, është sinjal i fuqishëm i unitetit dhe konfirmimit të vendimeve tona për forcimin e bashkëpunimit aleatësh, transparencës dhe demokracisë parlamentare.

Vllado Misajllovski, minisëtr i Mbrojtjes

“Deputetët janë një lidhje jetike mes përfaqësuesve të 32 parlamenteve dhe ne u jemi mirënjohës për gjithë punën dhe përkushtimin e tyre në mbrojtjen e qëllimeve dhe interesave të përbashkëta. Ne mbetemi të përkushtuar për investime të qëndrueshme në mbrojtje, duke ndarë 2 % të prodhimit të brendshëm bruto dhe mbi 32 % të tij për një nga pikat më të rëndësishme – pajisjen dhe modernizimin e Ushtrisë, duke forcuar kështu mbrojtjen kombëtare dhe kolektive”.

Asambleja Parlamentare e NATO-s është organizatë multilaterale që vendos lidhje thelbësore midis NATO-s dhe parlamenteve të vendeve anëtare të NATO-s, siguron transparencë më të madhe të politikave të Aleancës dhe kontribuon në forcimin e vlerave transatlantike të Organizatës.

Emine Ismaili Luzha /SHENJA/

MARKETING