(VIDEO) Haxhinjtë nga Shkupi nisen për në Mekë dhe Medina

Besimtarët muslimanë nga Shkupi sot janë nisur për në Mekë dhe Medina, për të kryer kushtin e pestë të fesë Islame-Haxhin. Nga Bashkësia Fetare Islame njoftojnë se sot në orët e hershme të mëngjesit nga Aeroporti Ndërkombëtar i Shkupit, kreu i BFI-së, Shaqir ef. Fetai, i shoqëruar nga Muftiu i Shkupit, Qenan Ismaili kanë përcjellur karavanin e parë të haxhinjëve, i cili përbëhet nga 180 besimtarë.

BASHKËSIA FETARE ISLAME

“Ekspedita e parë këtë vit përbëhet nga 180 besimtarë të Muftinisë së BFI – Shkup, të cilët kanë bërë nijet që të performojnë haxhin e sivjetmë. Reisul Ulema i BFI e RMV – së H. Hfz. Shaqir ef. Fetai, në emrin e tij personal, në emër të Bashkësisë Fetare Islame të RMV – së dhe besimtarëve të këtij nënqielli haxhinjve ju dëshiroi rrugëtim të lehtë me haxh dhe dua të pranuara! Bashkësia Fetare Islame e RMV – së falenderon organet e rendit dhe drejtuesit e aeroportit për bashkëpunimin!”.

Ndërkaq, disa orë më vonë muftiu i Shkupit, Qenan Ismaili, në rrjetin social Facebook, duke shpërndarë disa forografi nga Aeroporti i Shkupit, ka njoftuar se është nisur edhe grupi i dytë i haxhinjëve. Grupi i i tretë i haxhinjëve nga Shkupi për në vendet e shenjta do të niset në orën 19:30. Këtë vit nga Maqedonisa e Veriut haxhin do ta kryejnë 2020 besimtarë të fesë Islame, aq sa edhe është numri i limutuar nga Arabia Saudite.

Samir Mustafa /SHENJA/

MARKETING