(VIDEO) Gjatë korrikut 620 zjarre, shumica të shkaktuara nga faktori njeri

Në muajin korrik janë regjistruar 620 zjarre në vend, nga të cilat 66 kanë ndodhur në 10 ditët e fundit të atij muaji. Qeveria në seancën e fundit diskutoi për situatën me zjarret , dëmet dhe arsyet e një numri kaq të madh të zjarreve. Qeveria ka konstatuar se shumica e zjarreve jaënë shkaktuar nga faktori njeri.

QEVERIA

“Arsyet e deklaruara janë se shumica e zjarreve shkaktohen nga faktori njerëzor, kryesisht pa dashje, për shkak të djegies së kashtës, kullotave dhe kufijve. Kur bëhet fjalë për zjarre të shkaktuara qëllimisht, kryesisht mbizotërojnë motivet kriminale dhe ato raste hetohen”.

Në ndërkohë, Qendra për Menaxhimin e Krizave informoi se gjatë ditës së martë janë regjistruar gjithsej 41 zjarre në hapësirë ​​të hapur në të gjithë vendin. Nga ky numër, gjashtë janë aktive, nëntë janë nën kontroll, 26 janë shuar.

Zjarre aktive ka në komunën e Makedonski Brodit, në territorin e komunave Demir Hisar dhe Ohër, në territorin e komunës së Çashkës, në afërsi të fshatrave Papadishte dhe Oreshë. Në rajonin e komunës së Petrovecit dhe në komunën e Studeniçanit.

Nga zjarret që janë vënë nën kontroll, dy janë në komunën e Studeniçanit, nga një në komunat Gjevgjeli, Ohër, Makedonski Brod, Plasnicë, Dellçevë, Prilep, si dhe një në territorin e dy komunave. – Bogdanci dhe Dojran.

Merxhane Iseni /SHENJA/

MARKETING