(VIDEO) Gerapetritis Mospërdorimi i emrit kushtetues të Maqedonisë së Veriut, është shkelje e marrëveshjes së Prespës

“Liderët shtetërorë dhe politikë të Maqedonisë së Veriut kanë zgjedhur të mos përdorin emrin kushtetues të vendit në skenën e brendshme, gjë që është shkelje flagrante e Marrëveshjes së Prespës”, tha sot kreu i diplomacisë greke, Giorgos Gerapetritis, në Luksemburg para fillimit të mbledhjes së Këshillit për Punë të Jashtme të BE-së. Ai tha se Marrëveshja e Prespës parasheh një emër për shtetin që do të jetë një dhe i vetëm për përdorim të përgjithshëm.

Kreu i diplomacisë greke theksoi se të gjithë duhet të kuptojnë se e drejta ndërkombëtare është baza e paqes dhe sigurisë globale dhe se nuk është një proces në të cilin njeriu zgjedh atë që i përshtatet dikujt.

GIORGOS GERAPETRITIS, MINISTRI I PUNËVE TË JASHTME I GREQISË

“Anëtarësimi në Bashkimin Evropian është i papranueshëm dhe i paimagjinueshëm pa zbatimin e plotë të legjislacionit evropian dhe të drejtës ndërkombëtare dhe marrëveshjeve ndërkombëtare”.

Sipas tij, Greqia ka qenë gjithmonë forcë shtytëse në procesin e anëtarësimit të vendeve të Ballkanit Perëndimor në BE dhe ende beson se kjo është mënyra më e mirë si për vendet e rajonit ashtu edhe për BE-në. /SHENJA/

MARKETING