Ushtria izraelite bastis qytetin e Jeninit në Bregun Perëndimor, vret 8 palestinezë

Ushtria izraelite bastisi qytetin Jenin në Bregun Perëndimor të pushtuar, duke shkaktuar përleshje me palestinezët në të cilat mbetën 8 të vdekur.

Dëshmitarë okularë thanë për Anadolu se një forcë e madhe sulmoi qytetin, krahas fluturimeve intensive të dronëve izraelitë.

Ministria palestineze e Shëndetësisë tha në një deklaratë se 8 palestinezë u vranë dhe 21 të tjerë u plagosën, duke përfshirë dy në gjendje të rëndë.

Tensionet janë rritur në gjithë Bregun Perëndimor që kur Izraeli në tetor të vitit të kaluar nisi një ofensivë vdekjeprurëse ushtarake kundër Rripit të Gazës, ku më shumë se 35.500 palestinezë janë vrarë.

Të paktën 510 palestinezë janë vrarë dhe rreth 5.000 të tjerë janë plagosur nga ushtria izraelite në Bregun Perëndimor të pushtuar, sipas Ministrisë së Shëndetësisë.

MARKETING