Ushtria iraniane paralajmëron hapjen e “fronteve të reja” nëse sulmohet sërish

Irani ka paralajmëruar se do të hapë “fronte të reja” nëse SHBA-ja dhe Izraeli ndërmarrin sulme të reja kundër vendit, transmeton Anadolu.

MARKETING

“Nëse sulmohemi sërish, do të hapim fronte të reja kundër tyre me mjete dhe metoda të reja”, tha një zëdhënës i ushtrisë iraniane në një deklaratë të transmetuar nga agjencia gjysmëzyrtare iraniane e lajmeve ISNA.

Tensionet rajonale kanë mbetur të larta që kur SHBA-ja dhe Izraeli nisën sulme kundër Iranit më 28 shkurt, duke nxitur kundërsulme nga Teherani ndaj Izraelit dhe aleatëve amerikanë në Gjirin Persik, si dhe mbylljen e Ngushticës së Hormuzit.

Një armëpushim hyri në fuqi më 8 prill përmes ndërmjetësimit të Pakistanit, por bisedimet në Islamabad nuk arritën të prodhonin një marrëveshje afatgjatë.

Presidenti amerikan, Donald Trump, pastaj e zgjati armëpushimin për një periudhë të pacaktuar, duke ruajtur njëkohësisht bllokadën ndaj anijeve që udhëtojnë drejt ose nga portet iraniane përmes Ngushticës së Hormuzit.

MARKETING