Turqia bllokon kamionin me 122 kg drogë nga Shqipëria, në pranga shoferi
Një kamion, i cili transportonte drogë nga Shqipëria në Stamboll, është ndaluar nga policia turke në Tekirdağ. Në dyshemenë e kamionit u gjetën 122 kilogramë drogë.
Autoritetet policore pasi kishin marrë informacione se një kamion që vinte nga Shqipëria, po transportonte sasi të madhe të drogës nisën të ndiqnin kamionin që në momentin e hyrjes në Turqi.
“Ekipet e Policisë së Tekirdagut nisën hetimin duke kryer një operacion. Gjatë kontrollit, u sekuestruan 122 kilogramë drogë, të fshehura në dyshemenë e kamionit. Është ndaluar drejtuesi i kamionit”, njoftoi policia turke, transmeton oranews.
Drejtuesi i kamionit, shqiptari Fatmir Ferko, tashmë është dërguar në burg.
Turqia kohët e fundit ka qenë një vend transit i drogës, ku janë kapur sasi të mëdha të drogës.
MARKETING
