Trumçi: Besoj të fitojmë ndeshjen ndaj Pelisterit

Të dielën rikthehet kampionati elitar me ndeshjet e xhiros së 15-të në program.

Shkëndija e Tetovës në këtë xhiro do të luaj në Manastir kundër Pesliterit.

Mbrojtësi i djathtë i Shkëndijës, Aleksander Trumçi ka folur për mediat në vigjilie të kësaj përballje.

“Kemi atmosferë shumë të mirë në skuadër dhe pauza na ka bërë mjaft mirë për të marrë pak veten nga orari i ngjeshur si dhe për përgatitjen e lojtarëve që u kthyen nga lëndimet. Kemi punuar mirë në aspekt psiqik dhe fizik të kompletuar si grup presim këtë transfertë të vështirë. Analiza tregon se na pret një ekip serioz, por ne do të bëjmë detyrat tona dhe duke dhënë maksimumin besoj të fitojmë ndeshjen”, deklaroi Trumçi.

Ndeshja Pelisteri-Shkëndija zhvillohet të dielën në stadiumin “Petar Milloshevski” në Manastir me fillim në orën 17:00.

MARKETING