Tre sulme fizike dhe kërcënim me armë në Tetovë e Gostivar

SPB Tetovë ka njoftuar për tre raste të sulmeve fizike dhe një incident me armë gjatë 24 orëve të fundit në Tetovë, Gostivar dhe rrethinë.

MARKETING

Në Dobërdoll, një 60-vjeçar ka denoncuar se është sulmuar fizikisht nga një bashkëfshatar.

Ndërkohë, në Tetovë, një 55-vjeçar ka raportuar se një 35-vjeçar ka sulmuar fizikisht djalin e tij të mitur. Më vonë, është raportuar edhe një përleshje fizike mes të njëjtëve persona.

Rasti më serioz është regjistruar në Zhelinë. Një 29-vjeçar ka deklaruar se një person me të cilin kishte pasur më herët mosmarrëveshje është afruar fillimisht me thikë dhe më pas ka nxjerrë një pistoletë, të cilën, sipas denoncimit, e ka drejtuar në drejtim të tij.

Nga SPB Tetovë bëjnë të ditur se po ndërmerren masa për zbardhjen e plotë të rasteve dhe përcaktimin e përgjegjësisë së personave të përfshirë.

MARKETING