Tensione mes Pekinit dhe Taipeit, Tajvani mobilizon ushtrinë pas stërvitjes së trupave kineze

Tajvani ka përgatitur avionët luftarakë dhe ka vënë forcat e tij detare dhe tokësore në gatishmëri të lartë në përgjigje të stërvitjeve ushtarake kineze.

“Ne nuk kërkojmë konflikte, por nuk do të shmangim një për të garantuar sigurinë e kombit tonë dhe për të mbrojtur atdheun tonë të bukur”, tha Ministria e Mbrojtjes e Tajvanit në një deklaratë të enjten.

Ministria dënoi Ushtrinë e Kinës për fillimin e dy ditëve të lojërave luftarake rreth Tajvanit, një lëvizje që ajo e quajti një “provokim irracional”.

Mosmarrëveshja e fundit midis Pekinit dhe Tajvanit vjen tre ditë pasi presidenti i sapozgjedhur Lai Ching-te bëri thirrje, në fjalimin e tij të inaugurimit, që Kina të ndërpresë “frikësimin politik dhe ushtarak kundër Tajvanit”.

Zyrtarët kinezë e kanë quajtur Lai një “separatist të rrezikshëm” dhe janë zotuar të ribashkohen me ishullin duke përdorur edhe forcë, nëse është e nevojshme.

MARKETING