Taravari: Në Gazë po vdesin njerëz e me ta po vdes edhe ndërgjegjja e njerëzimit

Kryetari i Aleancës për Shqiptarët, Arben Taravari, ka reaguar lidhur me situatën dramatike në Rripin e Gazës, ku mijëra civilë po përballen çdo ditë me vdekje, urie dhe shkatërrim.

Në një shkrim në rrjetet sociale, Taravari shpreh dhimbjen dhe shqetësimin e thellë për gjendjen humanitare, duke theksuar se viktimat më të mëdha të këtij konflikti janë fëmijët, gratë dhe civilët e pafajshëm.

“Në Gazë po vdesin fëmijë e gra, pleq, të rinj e burra nga plumbat, uria dhe sëmundjet. Bashkë me ta po vdes çdo ditë edhe ndërgjegjia e njerëzimit,” shkruan Taravari, duke bërë thirrje për ndërgjegjësim global dhe veprim konkret për ndaljen e gjakderdhjes.

Ai gjithashtu u bëri thirrje organizatave ndërkombëtare dhe vendeve perëndimore që të ndërhyjnë për të ndaluar krimet ndaj popullsisë civile dhe për të garantuar ndihmë humanitare të menjëhershme.

Taravari theksoi se solidariteti me viktimat e Gazës është detyrim moral i çdo shoqërie demokratike dhe humane.

MARKETING