Suedia njofton rreth 200 milionë dollarë ndihmë ushtarake shtesë për Ukrainën

Suedia do t’i dërgojë Ukrainës një paketë shtesë të mbështetjes ushtarake, me vlerë më shumë se 199 milionë dollarë (2.2 miliardë korona suedeze), e përbërë kryesisht nga municione artilerie, njoftoi Ministria Suedeze e Mbrojtjes në një deklaratë të premten .

Kjo shënon paketën e 14-të të mbështetjes ushtarake që Suedia i ka dhënë Ukrainës që nga fillimi i pushtimit rus dhe “përfshin predha artilerie, pjesë këmbimi, pajisje këmbësorie, pajisje komunikimi dhe municione luftarake 90”.

Ministria suedeze e Mbrojtjes tha se qeveria gjithashtu ka ngarkuar zyrtarisht Forcat e Armatosura Suedeze, të mbështetura nga Administrata e Materialeve të Mbrojtjes, për të analizuar dhe raportuar mbi mundësinë që Suedia të dërgojë avionë luftarakë JAS 39 Gripen në Ukrainë.

Raporti i forcave të armatosura për avionët luftarakë pritet të dorëzohet më 6 nëntor.

MARKETING