Stoltenberg: Propozojmë marrëveshje për një rol më të madh për ndihmë ndaj Ukrainës

Sekretari i përgjithshëm i NATO-s, Jens Stoltenberg, duke propozuar marrëveshjen për një rol më të madh për çështjen e ndihmës ndaj Ukrainës, tha se “aleatët po punojnë mbi këtë propozim dhe të biem dakord mbi një rol më të fuqishëm për NATO-n”, transmeton Anadolu.

Stoltenberg foli për qëllimet e aleancës në fjalimin e tij në seancën e përgjithshme të Takimit Pranveror të Asamblesë Parlamentare të NATO-s që u mbajt në kryeqytetin Sofje.

Duke theksuar se qëllimi kryesor i NATO-s është të parandalojë luftën, Stoltenberg tha se, “Qëllimi kryesor i NATO-s është paqja. Përballë nesh është një Rusi agresive që përdor forcën kundër fqinjëve të NATO-s si Ukraina, Gjeorgjia dhe Moldavia dhe që kërcënon këto vende, prandaj ne duhet të tregojmë më shumë përpjekje”.

Pasi theksoi se NATO ka ndryshuar dhe është përshtatur me botën që ndryshon, Stoltenberg tha se, “Ne aktualisht po jetojmë në një botë më të rrezikshme. NATO gjithashtu duhet të paraqesë reagimin e saj ndaj këtij mjedisi të vështirë sigurie”.

Më tej, Stoltenberg tha se deri në samitin e NATO-s, që do të mbahet së shpejti në SHBA, dy të tretat e vendeve anëtare do të kenë ndarë 2 për qind të prodhimit të tyre kombëtar bruto për mbrojtjen.

Duke theksuar se çështja e dytë e rëndësishme e samitit do të jetë lufta në Ukrainë, Stoltenberg tha se Rusia vazhdon “sulmin e egër” kundër Ukrainës.

Ai gjithashtu tha se aleatët e NATO-s kanë siguruar ndihmë të paprecedentë për Ukrainën si humanitare ashtu edhe ekonomike.

“99 për qind e ndihmave u siguruan nga NATO dhe kjo siguroi që ukrainasit të çlironin 50 për qind të territorit të pushtuar nga Rusia. Shumica e ekspertëve që në fillim të luftës mendonin se Rusia do të kontrollonte Kievin, por nuk ndodhi kështu. Ukrainasit çliruan 50 për qind të territorit të pushtuar”, u shpreh ai.

Ai theksoi se vonesa prej muajsh në ndihmën e armatimit të kërkuar nga presidenti ukrainas, Volodymyr Zelenskyy, pati një ndikim negativ në fuqinë mbrojtëse të vendit të tij.

“60 miliardë dollarë ndihmë është një ndihmë e vonuar për Ukrainën. Kjo situatë ka shkaktuar pasoja të rënda. Propozojmë një marrëveshje mbi një rol më të madh për ndihmë për Ukrainën. Aleatët po punojnë për këtë propozim. Le të biem dakord për një rol më të fortë të NATO-s. Ka nevojë për një organizim më të mirë”, shtoi ai.

– Kina dhe Irani

Duke iu referuar qëndrimit të Kinës dhe Iranit në lidhje me luftën Rusi-Ukrainë, Stoltenberg tha se “Kina po punon në një regjim të ekonomisë së luftës” dhe se “Kina nuk e ka dënuar pushtimin rus të Ukrainës”.

“90 për qind e mikroekonomisë së Rusisë vjen nga Kina, pra Rusia mund të ndërtojë avionë luftarakë dhe anije. Me këtë ndihmë të ardhur nga Kina, Rusia nuk mund ta bënte luftën kundër Ukrainës në të njëjtën mënyrë. Ndërsa furnizuesi tjetër është Irani, i cili ofron mjete ajrore pa pilot. Këtë e shohim në Ukrainë. E shohim se sa e rëndësishme është Azia. Kina dhe Rusia po bëhen gjithnjë e më shumë aleatë. Ne duhet të punojmë së bashku me partnerët tanë në rajonin Azi-Paqësor”, tha shefi i NATO-s.

MARKETING