Stjuart Piç: Është koha që të gjithë aktorët politikë të ndihmojnë në anëtarësimin e Maqedonisë së Veriut në BE

Përfaqësuesi Special i Mbretërisë së Bashkuar për Ballkanin Perëndimor, Lordi Stjuart Piç, në një intervistë për MIA-n tha se të gjithë politikanët e vendit duhet të mendojnë me kujdes se çfarë është në interesin më të mirë të vendit dhe qytetarët që jetojnë në të dhe theksuan se është koha që të gjithë aktorët politikë të ndihmojnë në anëtarësimin e Maqedonisë së Veriut në Bashkimin Evropian.

Duke iu përgjigjur një pyetjeje për ndryshimet kushtetuese dhe faktin se shumica e nevojshme prej dy të tretave aktualisht nuk është siguruar, duke qenë se opozita është e vendosur të mos mbështesë ndryshimin e Kushtetutës dhe këmbëngul në qëndrimin e zgjedhjeve të parakohshme, ai tha se do të ishte e padrejtë ndaj popullit të këtij vendi të vonohej rruga evropiane për të cilën qeveri të ndryshme kanë punuar fort prej shumë vitesh.

“Kjo nuk duhet parë vetëm si fitore e qeverisë që është tani në pushtet, është fitore e të gjitha qeverive të mëparshme dhe mbi të gjitha e qytetarëve të Maqedonisë. Jemi të vetëdijshëm se rruga nuk ka qenë e lehtë dhe se ka pasur shumë pengesa ndër vite, prandaj i inkurajoj të gjithë politikanët që të mos lejojnë që politika të ndikojë në një nga qëllimet më të rëndësishme strategjike që nga pavarësia e Maqedonisë së Veriut. Nevojitet një përpjekje e përbashkët që Maqedonia e Veriut të arrijë më shumë sesa anëtarësimin e merituar në BE”, theksoi Piç.

Ai shprehu shqetësim për tensionet e fundit në marrëdhëniet dypalëshe midis Maqedonisë së Veriut dhe Bullgarisë, por shtoi se ka besim se ekziston një shkallë e konsiderueshme e vullnetit të mirë midis të gjitha palëve dhe beson se do të gjendet një zgjidhje.

“Maqedonia e Veriut dhe Bullgaria janë vende anëtare të NATO-s, aleate dhe me të njëjtat pikëpamje. Për sa i përket marrëdhënieve aktuale, të dyja vendet duhet të kenë parasysh kontekstin më të gjerë dhe ndryshimet gjeostrategjike në rajon. Mbretëria e Bashkuar vazhdon të inkurajojë Maqedoninë e Veriut dhe Bullgarinë që të vazhdojnë të punojnë për të përmirësuar marrëdhëniet dypalëshe që mbështesin Maqedoninë e Veriut në rrugën e saj drejt anëtarësimit në BE”, tha Piç.

Lidhur me klubet bullgare në vend, të cilat kanë emra të lidhur me të kaluarën fashiste, Piç thekson se nevojitet sensitivitet rreth fuqisë së simboleve, gjuhës dhe historisë, veçanërisht në kontekstin e Ballkanit Perëndimor.

“Ne e dimë se ky është një rajon ku figurat historike kujtohen ndryshe nga komunitete të ndryshme, prandaj është shumë e rëndësishme që shprehja e identiteteve të mos ofrojë baza shtesë për ndarje. Liria e asociimit dhe e shprehjes janë të rëndësishme, por është gjithashtu e rëndësishme, do të thosha e domosdoshme, të shmangen ofendimet”, thotë Piç.

Në intervistën me përfaqësuesin special të Mbretërisë së Bashkuar për Ballkanin Perëndimor, folëm edhe për situatën e sigurisë pas agresionit ushtarak rus në Ukrainë, për mundësitë për përhapjen e krizës në rajonin e Ballkanit Perëndimor, për përpjekjet e palëve të treta për të destabilizuar rajonin, për kërcënimet hibride.

Në vijim intervista e plotë dhe video materiali me përfaqësuesin special të Mbretërisë së Bashkuar për Ballkanin Perëndimor, Lordin Stjuart:

Mbretëria e Bashkuar mbështet agjendën ambicioze të reformave të Maqedonisë së Veriut, duke përfshirë reformat që do të zbatohen për anëtarësimin e vendit në Bashkimin Evropian. Sondazhet këtu tregojnë se opinioni, qytetarët e Maqedonisë së Veriut e perceptojnë korrupsionin si problem. Qeveria duhet të tregojë se po merret me këtë problem. Ekzistimi i një sistemi emërimesh të pavarur të bazuar në merita, për shembull një proces transparent përzgjedhjeje për postet kyçe, duke përfshirë gjyqtarët, anëtarët e Komisionit Kundër Diskriminimit dhe pozitat e larta drejtuese, është një fillim i mirë, së bashku me nevojën për transparencë dhe llogaridhënie në shumë institucione publike. Mbretëria e Bashkuar po e mbështet financiarisht Maqedoninë e Veriut në trajtimin e këtyre aspekteve përmes një sërë programesh.

Ka një ftohje të marrëdhënieve Shkup-Sofje, pas një sërë provokimesh, që çuan deri në kërcënim për presidentin mqedonas nga një politikan bullgar. Ka njoftime për veto të re bullgare për hapjen e kapitujve pas përfundimit të procesit të skriningut në nëntor, si i vlerësoni marrëdhëniet Maqedoni-Bullgari për momentin?

“Kjo nuk paraqet një veto të re, por përkundrazi është ruajtje e vetos aktuale dhe është shumë e rëndësishme që të gjithë partnerët të punojnë për të mbështetur marrëdhëniet e mira fqinjësore dhe agjendën e bashkëpunimit. Është e ardhmja e përbashkët euroatlantike në të cilën ne besojmë dhe jam i sigurt se të gjithë ata që na shohin do të pajtohen se ka më shumë gjëra që i afrojnë qytetarët e Maqedonisë së Veriut dhe Bullgarisë sesa ato që i ndajnë. Verën e kaluar, Bullgaria miratoi të ashtuquajturin Propozimin francez dhe njoftoi se do të heqë veton për fillimin e negociatave të Maqedonisë së Veriut për anëtarësim në BE. Kushti i vendosur nga presidenti Radev është që bullgarët t’i shtohen komuniteteve pakicë në kuadër të Kushtetutës së Maqedonisë.

Deri më tani nuk ka shumicë në Kuvendin e Shkupit për ta përmbushur këtë, por është e rëndësishme që të gjithë në Maqedoni, maqedonasit të bashkohen për ta përmbushur këtë obligim. Ne jemi të shqetësuar për tensionet e fundit në marrëdhëniet dypalëshe midis Maqedonisë së Veriut dhe Bullgarisë, por kam besim se ekziston një shkallë e konsiderueshme e vullnetit të mirë nga të gjitha palët dhe se do të gjendet një zgjidhje. Maqedonia e Veriut dhe Bullgaria janë vende anëtare të NATO-s, aleate dhe me të njëjtat pikëpamje.

Për sa i përket marrëdhënieve aktuale, të dyja vendet duhet të kenë parasysh kontekstin më të gjerë dhe ndryshimet gjeostrategjike në rajon. Mbretëria e Bashkuar vazhdon të inkurajojë Maqedoninë e Veriut dhe Bullgarinë që të vazhdojnë të punojnë për të përmirësuar marrëdhëniet dypalëshe që mbështesin Maqedoninë e Veriut në rrugën e saj drejt anëtarësimit në BE.

MARKETING