SHBA-ja mban seancën e parë për hetimin e origjinës së COVID-19

Origjina e COVID-19 po eksplorohet nga një komitet i kongresit amerikan në një seancë në Washington.

Paneli, i formuar nga një shumicë e re republikane në Dhomën e Përfaqësuesve të SHBA-së, synon të përcaktojë se si u shfaq koronavirusi.

Disa zyrtarë amerikanë kanë arritur në përfundim se COVIDI me shumë gjasë ka ardhur nga një rrjedhje e paqëllimshme laboratorike në Wuhan të Kinës, shkruan BBC.
Por shumë shkencëtarë theksojnë se nuk ka asnjë provë se ai ka rrjedhë nga një laborator.

Dhe Shtëpia e Bardhë ka thënë se nuk ka konsensus në gjithë qeverinë amerikane për origjinën e virusit.

Komiteti i përbërë nga nëntë republikanë dhe shtatë demokratë ka thënë se do të synojë të kryejë punën e tij.
Por në seancën dëgjimore të së mërkurës, demokrati më i lartë i komitetit Raul Ruiz argumentoi kundër përfshirjes së dëshmitarit Nicholas Wade lidhur me një libër të diskutueshëm të autorit të tij.

Ruiz tha se përfshirja e ish-gazetarit të New York Times ishte e rrezikshme dhe se ai nuk mund të mbështetej.

Disa studime sugjerojnë se virusi erdhi nga kafshët te njerëzit në Wuhan, ndoshta në tregun e ushqimeve të detit dhe kafshëve të egra të qytetit.

Tregu është pranë një laboratori të viruseve lider në botë, Institutit të Virologjisë Wuhan, i cili kreu kërkime për koronavirusin.

MARKETING