Sela: Kryetar rrjetesh sociale nuk i duhet ASH-së, të shtunën mbahet Kuvendi Qendror

Kryetari i Kuvendit të ASH-së, Ziadin Sela, në konferencë për media, tha se ASH frymon gjithandej ku janë shqiptarët dhe se e ka dëshmuar.

“Se kisha menduar se në cilësinë  e themeluesit të kësaj partie me shumë mund dhe sakrificë, timin dhe tuaj, do të vijmë në këtë gjendje. Sot, konstatoj se besimi jonë po keqpërdoret”, tha Sela.

Ai tha se dëshiron se po bëhet një lojë shumë e ndry nga kryetar i partisë në emër të gjithë anëtarëve të ASH-së.

“E gjithë kjo me një qëllim të vetëm, që t’i ndajë një bindje edhe të krijojë përçarje. Aktivisti i ASH-së është me ASH-në. Kjo është ASH-ja. Aleanca për Shqiptarët janë aktivitet e saj, janë kryesia e ngushtë të cilët i keni të gjithë sonte prezent. Është kryetari e forumit të gruas, janë deputetët” u shpreh Sela.

Sela tha se të shtunën thirret Kuvendi i partisë në të cilën do të merret në pyetje kryetari i cili sipas tij, ka dy muaj që nuk ka thirr në mbledhje organet e ngushta të partisë.

Sela tha se organi që ka të drejtë të merr në vendim është Kryesia Qendrore dhe më pas i njëjti shkon në Kuvendin Qendror.

“Komunikimi i fundit i imi ka qenë dje me mesazhe, i kam thënë që të thirr mbledhje të kryesisë së partisë, që të marrim vendim që të shtunën të shkojmë në kuvend të partisë. Sot një javë, të shtunën do të thirret, do e thërras publikisht Kuvendin e ASH-së dhe pika e rendit të ditës do të jetë përgjegjësia e kryetarit të partisë. ASH-ja ka qenë barriera kryesore për të ndal elementet fondamentale. E ky është momenti më kritik të cilin ASH-ja do ta parandaloj përsëri”,u shpreh Sela, raporton SHENJA.

Sela tha se ASH është e bashkuar dhe do të dijë të vendos për fatin e saj.

MARKETING