Rutte: Kosova është një vend shumë i rëndësishëm, duhet të jetë në situatën më të mirë të mundshme

Sekretari i NATO-s, Mark Rutte, ka deklaruar se Kosova është një vend shumë i rëndësishëm, dhe duhet të jetë në situatën më të mirë të mundshme.

Ai ka folur edhe për zgjedhjet e 9 shkurtit në Kosovë, duke thënë se ‘‘do të shohim si do të formohet Qeveria e re’’.

“Kosova është vend shumë i rëndësishëm, ku NATO ka prezencë të fortë përmes KFOR-it. Është e rëndësishme të angazhohemi të gjithë që ky shtet të jetë në situatën më të mirë të mundshme. Atje ka pasur zgjedhje dhe do të shohim si do të formohet Qeveria e re. Gjithë kjo është pjesë e një procesi normal demokratik, gjë që është e mirë. Por në të gjithë rajonin situata po ndryshon“, ka potencuar Rutte.
Tutje, ai ka deklaruar se situata është duke ndryshuar në të gjithë rajonin, dhe se ai është në komunikime intensive me liderët e Kosovës, por edhe ata të Bosnje e Hercegovinës, si dhe me liderin serb, Aleksandër Vuçiç.

“Jam në komunikime intensive, jo vetëm me krerët e Kosovës dhe ata të Bosnjë e Hercegovinës, por javën e kaluar kam biseduar edhe me Vuçiqin, që javën tjetër pritet të jetë së shpejti në Bruksel. Pra, komunikimet janë intensive që tensionet në rajon të ulen”, ka theksuar shefi i NATO-s.

MARKETING