Ranglista e FIFA-s, Maqedonia nuk lëviz, Kosova me pozitën më të lartë në histori

Shtëpia e futbollit botëror, FIFA sot ka publikuar rang listën ëm të re për ekipet përfaqësuese. Maqedonia e Veriut vazhdon të mbetet në vendin e 67-të, duke mos lëvizur asnjë pozicion në këtë rang listë të re. Ekipi përfaqësues i vendit muajin e kaluar kishte dy ndeshje, ku mori një fitore ndaj Lihteshtajnit dhe një barazim në shtëpi kundër Uellsit. Ndërkohë, në anën tjetër, Shqipëria ka rënë nga pozita 65-të në pozitën e 66-të pas humbjes nga Anglia dhe fitores ndaj Andorrës, teksa Kosova është ngjitur për dy pozita duke pasur rangimin më të lartë në histori, pas dy fitoreve ndaj Islandës në muajin mars. Sa i përket krerëve, Argjentina ka mbetur në pozitën e parë, Spanja ka kaluar në vendin e dytë, Franca ka rënë në vendin e tretë dhe Anglia e Brazili kanë ruajtur pozitat katër dhe pesë. Në pozitën e gjashtë është ngjitur Holanda, duke lënë pas vetës Portugalinë, Belgjikën, Italinë dhe Gjermaninë.

MARKETING