Paul Pogba në bisedime zyrtare për t’u rikthyer në futboll pas dy vitesh mungesë
Paul Pogba raportohet se është në bisedime zyrtare për të bërë rikthimin e tij në fushat e blerta pas dy vitesh mungesë.
Në vitin 2023, mesfushori francez u dënua nga futbolli për shkak se u gjet DHEA në sistemin e tij, një përbërës që nxit prodhimin e hormoneve në trup, duke përfshirë testosteronin.
Pasi kontrata e tij me Juventusin u ndërpre, Pogba ka qenë lojtar i lirë që nga ajo kohë.
Ani pse ai është lidhur me një sërë klubesh në Evropë, Arabinë Saudite dhe në Shtetet e Bashkuara të Amerikës, asgjë nuk është materializuar.
Siç ka raportuar The Athletic, pronarët e DC United kanë në zotërim të drejtat për mesfushorin Pogba.
“Ky burim që flet në kushte anonimiteti, ka konfirmuar gjithashtu se klubi është në bisedime për një marrëveshje potenciale për 32-vjeçarin, i cili ka qenë në disa ndeshje të MLS që prej se luajti ndeshjen e fundit profesionale për Juventusin menjëherë pasi u suspendua në shtator të 2023”, thuhej në raportimin e tyre.
Sipas një raportimi nga Sports Illustrated, Lista Discovery i lejon një klubi në MLS që të marr të drejtat e një lojtari në rast se ai dëshiron t’i bashkohet ligës./
MARKETING
