Një Komision i posaçëm do të rishqyrtojë marrëveshjen për ushqimin e organizuar të pjesëtarëve të Armatës dhe Ministrisë së Mbrojtjes

Në Ministrinë e Mbrojtjes u formua një Komision, i cili ka për qëllim rishqyrtimin e të gjitha parregullsive dhe mungesave nga marrëveshja për ushqim të organizuar të pjesëtarëve të Armatës dhe Ministrisë së Mbrojtjes.

Komisioni, siç thonë nga MM-ja, u formua pas denoncimeve për dhembje të barkut të personave nga Akademia ushtarake “Gjeneral Mihailo Apostollski” dhe Qendrës ushtarako-mjekësore në kazermën “Boro Menkov” në Kumanovë më 12 shtator të këtij viti pas konsumimit të ushqimit në këto objekte.

“Komisioni është në përbërje të personave përgjegjës nga të gjitha sektorët e Ministrisë dhe Shtatëmadhorisë së Armatës dhe nëse konfirmohen parragullsi ose mungesa lidhur me realizimin e marrëveshjes së lidhur nga ana e ndërmarrjes, Ministria do të ndërmarrë masa për prishjen e marrëveshjes”, thonë nga Ministria e Mbrojtjes.

MARKETING