Nënshkruhet memorandum bashkëpunimi ndërmjet O.K.H. MERHAMET dhe Kryqit të Kuq – Çair

Me qëllim të forcimit të bashkëpunimit të ndërsjellë dhe promovimit të vlerave humanitare në shoqëri, më 17 janar 2025, në ambientet e Organizatës Komunale Çair, u nënshkrua një memorandum bashkëpunimi ndërmjet Kryqit të Kuq – Çair dhe Shoqatës Humanitare dhe Kulturore “Merhamet”. Ky memorandum përfaqëson një angazhim të përbashkët për të zhvilluar dhe zbatuar aktivitete me ndikim pozitiv në fusha të ndryshme të veprimtarisë socio-humanitare.

Në kuadër të kësaj marrëveshjeje, palët do të bashkëpunojnë për organizimin e aktiviteteve të ndryshme, duke përfshirë nisma për dhurimin e gjakut, programe që mbështesin individët dhe familjet në nevojë, si dhe aktivitete të orientuara drejt ndërgjegjësimit dhe promovimit të humanizmit dhe solidaritetit shoqëror. Memorandumi thekson rëndësinë e përpjekjeve të përbashkëta për të adresuar sfidat sociale dhe për të forcuar vlerat e ndihmës reciproke dhe mirëqenies në shoqëri.

MARKETING