Musk: Mua dhe Trump na është dhënë një mandat për ndryshim

CEO i Tesla dhe platformës X, Elon Musk, tha se ai dhe presidenti i sapozgjedhur i Shteteve të Bashkuara, Donald Trump, kanë marrë një mandat për ndryshim.

“Më në fund kemi një mandat për të hequr shumë rregullore që rëndojnë sistemin dhe nuk kontribuojnë në interesin publik”, shkroi Musk në X.

Trump tha se Musk, së bashku me ish-kandidatin presidencial Vivek Ramaswamy, do të udhëheqin Departamentin e ri të Efikasitetit të Qeverisë.
Musk, si pronar i Tesla, X dhe kompanive të tjera teknologjike, është bërë një nga manjatët më me ndikim të biznesit në botë.

Megjithatë, përfshirja e tij në reformat e qeverisë ka ngritur shqetësime për konflikte të mundshme interesi, duke qenë se kompanitë e tij kanë kontrata të shumta me qeverinë, duke përfshirë NASA-n, Departamentin e Mbrojtjes dhe agjenci të tjera.

“Ka konflikte të drejtpërdrejta interesi midis kompanive të tij dhe interesave të qeverisë“, tha profesoresha e Universitetit Santa Clara, Ann Skeet.

MARKETING