Lot në sy dhe pikëllim i madh te FC Shkupi, futbollistët anuluan stërvitjen!

KF Shkupi sot për herë të parë u mblodh pas tragjedisë në Koçan, ku humbi jetën lojtari i tyre Andrej Lazarov.
Me trishtim të pamasë, të qara dhe lot në sy, lojtarët, stafi trajnues dhe drejtuesit e klubit u mblodhën sot në dhomat e zhveshjes në stadiumin e Çairit dhe i bënë homazhe shokut të tyre të skuadrës të vdekur tragjikisht.
Fanella e Andrej Lazarov ishte në vendin e saj. Fanella me numrin 77 do të jetë përgjithmonë shenja me të cilën Çairi do të kujtojë Andrej Llazarovin, djalin që vdiq duke shpëtuar jetë të tjera.