Lloga: Për sistemin e drejtësisë problem mbeten oligarkët

Ministri i drejtësisë, Krenar Lloga i pyetur nëse ka vullnet politik që të bëhen reformat në sistemin e gjyqësorit, tha se ka vullnet politik.

“Çdokush që është i implikuar në vepra të cilat janë të ndaluara do të blej kohë. Shumë njerëz brenda partive politike e minojnë këtë proces. Por unë mendojë se ekziston vullneti brenda subjekteve politike, por ka segmente edhe brenda pushteti edhe brenda opozitës të cilët janë pjesë e një të kaluare jo të largët të oligarkisë të cilët kanë ngërthyer në kthetrat e veta tre sistemet e drejtësisë. E them dhe e stërthem se në Maqedoni problem mbetet oligarkia”, u shpreh ministri Krenar Lloga.

Lloga tha se ju keni dy proces të rëndësishme që kanë dështuar, një ka qenë procesi i lustrimit, dhe procesi i dytë që ka qenë dështimi i prokurorisë publike.

“Këtë proces e minon të gjithë përfshirë edhe personin i cili sot gjendet në listën e zezë të SHBA-së, Orce Kamçev”, tha më tej Lloga.

MARKETING