Lamtumirë Shpat! Përcillet për në banesën e fundit këngëtari

Sot, Tetova u bë qendra e solidaritetit dhe respektit për komunitetin artistik, duke mbledhur një numër të madh artistësh. Por kësaj here, ata nuk u mblodhën për të mbajtur një koncert, por për të bërë qytetin më të ngrohtë dhe më të dashur për një arsye tjetër – për t’i dhënë lamtumirën e fundit kolegut të tyre të dashur, Shpat Kasapit, i cili të enjten në mëngjes, pas një sulmi në zemër ndërroi jetë në moshën 40 vjeçare.

Emocioni në rrugë, tek pallati i kulturës dhe deri në varreza ishte i madh. Në varrim, morën pjesë një numër i madh qytetarësh, familjarë të ngushtë, artistë dhe qytetarë të tjerë. E vetmja gjë që dominonte gjatë ceremonisë së varrimit ishin lotët e të gjithë të pranishmëve, të shprehura nga mërzia dhe pikëllimi i thellë. Për shumë prej pjesëmarrësve, kjo ishte jo vetëm një varrim,  por një ritual nderimi për një artist që la gjurmë në jetën e shumë brezave.

Ndërkaq,  para se të përcilleshte për në banesën e fundit, familjarë, miq dhe bashkëpunëtorë u mblodhën  në Pallatin e Kulturës në Tetovë, ku u  mbajt edhe një mbledhje komemorative, nga ku  në sallë, nëna dhe  bashkëshortja dhe familjarë të këngëtarit  tani më të ndjerë,  prisnin  njerëz që kishin shkuar për t’i ngushëlluar.

Të pranishmëve, në mes të lotëve që nuk mundeshte t’i mbajë dot, me një zë të dridhur nga mërzia,  ju drejtua edhe motra e Shpatit, Jehona, e cila tha se Shpati lindi me yll në ballë, e i donte shumë fëmijët e pleqtë, derisa theksoi se amanetin e tij për djalin, Roelin do ta kryejë.

JEHONA KASAPI, MOTRA E SHPAT KASAPIT

“Sot me zëmër të thyer jemi mbledhur për t’i dhënë lamtumirën e fundit vëllait tim, është shumë e vështirë për të përshkruar fjalët për të përshkruar dhimbjet që ndjej. Shpat, shpirti i motrës, ti linde me yll në ballë, ishe një njeri i mirë, dije t’i ndjeje hallet nga empatia jote e madhe. Shpati ti i doje shumë fëmijët dhe pleqtë. Doje shumë të qeshësh, buzëqeshja ishte sinonim i yti”.

Për Shpatin, folën  edhe shumë kolegë, duke vlersuar lartë personalitetin e tij.

Kujtojmë se Shpat Kasapi, ndërroi jetë të enjten në Itali, pas një sulmi në zemër. Ai ka lënë prapa bashkëshorten Selvijën dhe djalin e tij vetëm 3 vjeç Roelin. Ndryshe ai në skenën muzikore ka lënë pas shumë këngë, të cilat do të mbesin gjithmonë në zemrat e publikut.

Samir Mustafa /SHENJA/

MARKETING