Kosova publikon listën, nuk ka vend për sulmuesin e Cluj

Kosova publikon listën, nuk ka vend për sulmuesin e Cluj

Kosova publikon listën për eliminatoret e Gjermani 2024. Trajneri francez Allain Giresse ka ndarë mendjen për 26 futbollistët që do të grumbullojë për dy ndeshjet e para eliminatore të Europianit.

Nuk ka surpriza në listën e Giresse, teksa mungon sulmuesi Ermal Krasniqi, ndonëse po bën shumë mirë te rumunët e Cluj, teksa grumbullohen Albion Rrahmani nga Ballkani, Amar Gërxhaliu që luan me Antalyaspor në Turqi dhe sulmuesi Arbnor Muja, i Antwerpit në Belgjikë.

Kosova është në grupin I të eliminatoreve dhe do ta nisë fushatën nga Tel Avivi, ku më 25 mars do të sfidojë Izraelin vendas. Tri ditë më vonë, “Dardanët” do të presin Andorrën në Prishtinë, në stadiumin “Fadil Vokrri”.

Në grupin I, Kosova bën pjesë bashkë me Izraelin, Andorrën, Bjellorusinë, Rumaninë dhe Zvicrën.

MARKETING