Hetime ndaj Komisionerit të BE-së për zgjerim, dyshohet se favorizoi Serbinë në negociatat për anëtarësim

Komisioneri Olivér Várhelyi, zyrtari më i lartë ekzekutiv i politikës së Zgjerimit të BE-së do t’i nënshtrohet një hetimi të brendshëm të BE-së për gjoja favorizimin e Serbisë gjatë negociatave të zgjerimit të bllokut.

Lajmi është raportuar nga rrjeti televiziv evropian Euronews, raporton Gazeta10.
Deputeti holandez i S&D, Thijs Reuten, i cili ndihmoi në hartimin e raportit të parlamentit, e ka kritikuar publikisht komisionerin.

“Ne e kemi parë këtë komisioner në të vërtetë duke mos iu përgjigjur nismave secesioniste, nga z. Dodik për shembull, në Bosnje. Duke mos iu përgjigjur në mënyrë adekuate veprimeve të zotit Vuçiq, duke destabilizuar situatën në Kosovë dhe gjithashtu në Bosnje. Pra, kjo na shqetëson. Kjo është pse duam të hetojmë, nëse ai po e kryen punën e tij në përputhje me kodin e sjelljes, sepse kodi i sjelljes thotë se komisioneri duhet të përfaqësojë interesat e Unionit në tërësi dhe jo agjendën e disa shteteve anëtare”, tha ai, raporton Gazeta 10.

#WesternBalkans #news 🇷🇸🇽🇰🇧🇦

Today the 🇪🇺 Parliament adopted a clear position in its annual foreign policy report on the continuous pattern of escalatory actions by Serbia, resulting also last month in totally unnecessary tensions between 🇷🇸 and 🇽🇰 1/2 ⤵️ pic.twitter.com/wAPXuIzyYi

— Thijs Reuten 🇪🇺🌹 (@thijsreuten) January 18, 2023

Pavarësisht se ka aplikuar zyrtarisht për anëtarësim në BE, Serbia ka refuzuar në mënyrë të përsëritur të harmonizojë politikën e saj të jashtme me atë të bllokut evropian. Në dhjetor 2021, Komisioni i BE-së hyri në bisedime anëtarësimi me Beogradin, pavarësisht tensioneve të pazgjidhura të Serbisë me ish territorin e saj të Kosovës.

Varhelyi tha më pas se “Serbia po bën një hap tjetër shumë të rëndësishëm përpara në anëtarësimin në Bashkimin Evropian”

BE-ja, veçanërisht Franca dhe Gjermania, kanë qenë aktivisht, por pa sukses, duke i bërë presion presidentit nacionalist serb, Vuçiç për të detyruar vendin e tij për t’iu bashkuar sanksioneve të BE-së dhe NATO-s kundër Rusisë. Ai i cilësoi ato si një ndërhyrje “brutale” në punët e brendshme të Serbisë.

Várhelyi, një qytetar hungarez dhe aleat i kryeministrit nacionalist të vendit, Viktor Orban, dyshohet se është në anën e Serbisë si në mosmarrëveshjen e saj me Kosovën, ashtu edhe në hezitimin e saj për të sanksionuar Rusinë në mënyrë që të rreshtohet me interesat e Orbanit.

Ai ka ndezur vazhdimisht flakët nacionaliste dhe ka ngjallur ribashkimin e mini-shtetit të tij serb boshnjak, Republika Srpska me Serbinë. Ligjvënësit e BE-së kanë kërkuar sanksione kundër Dodik.

Të premten, të dërguarit e BE-së dhe SHBA-së do të udhëtojnë në Prishtinë dhe Beograd në përpjekje për të gjetur një zgjidhje për tensionet e ringjallura mes shqiptarëve dhe serbëve.

MARKETING