Finlanda dëbon nëntë diplomatë rusë
Finlanda do të dëbojë nëntë diplomatë rusë nga Ambasada ruse në Helsinki, duke i akuzuar ata se punojnë në misione të inteligjencës.
Vendimi është marrë pas takimit të presidentit finlandez, Sauli Niinisto dhe komitetit ministror të shtetit për politikë të jashtme dhe siguri.
Ambasada ruse në Helsinki ende nuk ka reaguar për këtë vendim të Finlandës. Shtetet nordike, Norvegjia dhe Suedia po ashtu muajve të fundit kanë dëbuar diplomatë rusë, duke thënë se ata në fakt ishin oficerë të inteligjencës.
Moska mohon se diplomatët e saj janë të përfshirë në aktivitete të papërshtatshme dhe është kundërpërgjigjur duke dëbuar diplomatë të Norvegjisë dhe Suedisë.
Finlanda i është bashkuar NATO-s në prill, duke zemëruar Rusinë fqinje, e cila po vazhdon pushtimin e Ukrainës.
MARKETING
