“Dhimbje koke” për Spaletin, futbollisti i kombëtares italiane pëson dëmtim në gju para Europianit

Nuk kanë fund telashet për Italinë, në prag të Euro 2024, pas Açerbit, të kaltrit rrezikojnë të humbasin një tjetër mbrojtës. Bëhet fjalë për futbollistin e Atalantës, Xhorxho Skalvini, i cili pësoi një dëmtim në gju në duelin e mbrëmjes së sotme kundër Fiorentinës.

Për shkak të këtij dëmtimi, 20-vjeçari u dëtyrua të linte fushën në minutën e 84-t, duke i lënë vendin Hateburit.

Mjekët e Atalantës u futën menjëherë në fushë, ku Skalvini preku këmbën duke ndjerë dhimbje të forta dhe luftoi për të mbajtur lotët.

Një moment tepër i vështirë ky për 20-vjeçari i cili ditën e nesër së bashku me Skamakën do i bashkohet Italisë në grumbullim. Mbrojtësi pritet t’i nënshtrohet testeve mjekësore gjatë mbrëmjes së sotme, për të mësuar shkallën e dëmtimit.

MARKETING