Dauti: Sot në Tetovë pritet të votojnë 54 të burgosur dhe 181 persona të sëmurë e të pafuqishëm

Kryetari i Komisioni Komunal Zgjedhor në Tetovë, Nazmi Dauti një ditë para zgjedhjeve presidenciale dhe parlamentare tha se Komisioni Shtetëror Zgjedhor me kohë ka dorëzuar materialin zgjedhor dhe se i njëjti po shpërndahet nëpër vendvotime.

Dauti tha se do të votohet në 117 vendvotime, ndërsa theksoi se për zgjedhjet presidenciale të drejtë vote kanë 86.405 qytetarë, ndërsa për zgjedhjet parlamentare, 86.550 qytetarë. Në Tetovë sot gjithashtu votojnë të burgosurit, personat e sëmurë dhe të pafuqishëm.

“Votojnë personat që janë në vuajtje të dënimit me burg, ku gjithsej në burgun e Tetovës i kemi 54 të burgosur, njëkohësisht të drejtën e votës sot e realizojnë edhe personat që janë të sëmurë, të paaftë dhe të pafuqishëm, ku nga nga 218 kërkesa të pranuara në KKZ, 181 kërkesa janë aprovuar apo janë miratuar”, theksoi Nazmi Dauti.

MARKETING